2024 წლის 25 ნოემბერს, საქართველოს საგანგებო და სრულუფლებიანმა ელჩმა, როლანდ ბერიძემ რწმუნებათა სიგელების ასლები გადასცა მალავის რესპუბლიკის საგარეო საქმეთა მინისტრს, ნენსი ტემბოს.
2024 წლის 25 ნოემბერს, საქართველოს საგანგებო და სრულუფლებიანმა ელჩმა, როლანდ ბერიძემ რწმუნებათა სიგელების ასლები გადასცა მალავის რესპუბლიკის საგარეო საქმეთა მინისტრს, ნენსი ტემბოს.
მხარეთა შორის გამართული ხანმოკლე შეხვედრის მსვლელობისას, ელჩმა და მინისტრმა განიხილეს ორ ქვეყანას შორის არსებული მეგობრული ურთიერთობები. ხაზი გაესვა საქართველოსა და მალავის შორის პოლიტიკური და ეკონომიკური კავშირების გაღრმავების აუცილებლობას. ამასთან, მინისტრმა აღნიშნა, რომ მალავის რესპუბლიკის მიერ საქართველოს ტერიტორიული მთლიანობისა და სუვერენიტეტის მხარდაჭერის პოლიტიკა, ემყარება საერთაშორისო სამართლის იმ ძირითად პრინციპებს, რომლებსაც საქართველო და მალავი თანაბრად სცემენ პატივს.
