ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

2017 წლის 11 აგვისტოს, ბოცვანას რესპუბლიკაში საქართველოს ელჩმა (რეზიდენციით ქ. პრეტორია) ბექა დვალმა ქ. გაბორონეში შეხვედრა გამართა ბოცვანას ეროვნული მუზეუმის დირექტორთან, ბატონ გაოგაკვე ფორანოსთან. შეხვედრაში, ასევე, მონაწილეობა მიიღო ბოცვანაში საქართველოს საპატიო კონსულმა, ბატონმა მოთუსი სერუმოლამ.

განთავსების თარიღი: 11.08.2017
 

2017 წლის 3 აგვისტოს, სვაზილენდის სამეფოში საქართველოს ელჩმა ბექა დვალმა (რეზიდენციით ქ. პრეტორია) სვაზილენდის დედაქალაქ მბაბანეში მდებარე ლოზიტას სამეფო სასახლეში რწმუნებათა სიგელი გადასცა სვაზილენდის მეფეს მის უდიდებულესობა მსვატი III-ს.

განთავსების თარიღი: 03.08.2017
 

2017 წლის 27 ივლისს, სამხრეთ აფრიკის კეიპის ღვინის რეგიონს და კახეთის რეგიონს შორის თანამშრომლობის შესახებ შეთანხმებას ქართული მხარის მიერ მოეწერა ხელი. კერძოდ, ამ დღეს, დოკუმენტს ხელი მოაწერა კახეთის გუბერნატორმა ირაკლი ქადაგიშვილმა. აღსანიშნავია, რომ ორ რეგიონს შორის ურთიერთთანამშომლობის შეთანხმების დოკუმენტს ხელი ცალმხრივად მიმდინარე წლის ივნისის თვეში უკვე მოაწერა სამხრეთ აფრიკის რესპუბლიკის კეიპის ღვინის რეგიონის აღმასრულებელმა მერმა ჰელენ ვონ შლიხტმა.

განთავსების თარიღი: 27.07.2017
 

 

2017 წლის 4 ივლისს, პრეტორიაში საქართველოს საელჩომ უმასპინძლა სამხრეთ აფრიკა-საქართველოს სავაჭრო პალატის აღმასრულებელი საბჭოს მორიგ სხდომას. შეხვედრაზე საქართველოს საელჩოს წარმოადგენდა მრჩეველი თეიმურაზ კერესელიძე.

 

 

განთავსების თარიღი: 04.07.2017
 

2017 წლის ივნისის ბოლოს, ახალციხეში აღინიშნება წმინდა შალვა ახალციხელის ხსენების დღე.

 

განთავსების თარიღი: 29.06.2017
 

 

2017 წლის 26-27 ივნისს, კონგოს დემოკრატიულ რესპუბლიკაში საქართველოს ელჩი (რეზიდენციით ქ. პრეტორია) ბექა დვალი  მორიგი სამუშაო ვიზიტით ეწვია კონგოს დემოკრატიული რესპუბლიკის დედაქალაქ კინშასას. ვიზიტის ძირითად მიზანს წარმოადგენდა საქართველოს მოქალაქის იოსებ ოსორაულის ირგვლივ შექმნილი ვითარების განხილვა

 

განთავსების თარიღი: 27.06.2017
 

 

2017 წლის 15 ივნისს, სამხრეთ აფრიკის რესპუბლიკაში საქართველოს საელჩომ, სამხრეთ აფრიკის დასავლეთ კეიპის პროვინციაში მოქმედ 200 წლოვანი ისტორიის მქონე კეიპის სავაჭრო-სამრეწველო პალატასთან, სამხრეთ აფრიკა-საქართველოს სავაჭრო პალატასთან და კეიპ ტაუნში საქართველოს საპატიო კონსულთან თანამშრომლობით, ქ. კეიპ ტაუნში უმასპინძლა სამხრეთ აფრიკა-საქართველოს ბიზნეს სემინარს.

 

განთავსების თარიღი: 15.06.2017
 

 

2017 წლის 14 ივნისს, სამხრეთ აფრიკის დასავლეთ კეიპის პროვინციის ქალაქ სტელენბოშში, გაიმართა კეიპის ღვინის რეგიონის მუნიციპალიტეტის აღმასრულებელი მერის ჰელენა ვონ შლიხტის მიერ კეიპის ღვინის რეგიონს და კახეთს შორის თანამშრომლობის შესახებ შეთანხმების ხელმოწერასთაბ დაკავშირებული ღონისძიება. ქართული მხრიდან, აღნიშნული შეთანხმების ხელმომწერია კახეთის გუბერნატორი ბატონი ირაკლი ქადაგიშვილი.

 

 

განთავსების თარიღი: 14.06.2017
 

2017 წლის 29 მაისს, სამხრეთ აფრიკაში საქართველოს ელჩმა ბექა დვალმა გამართა შეხვედრა სამხრეთ აფრიკული კომპანია „მერიტის“ ხელმძღვანელთან, ქალბატონ ჰავა ბიბი ხანთან. ელჩმა მას მიაწოდა ინფორმაცია საქართველოს სავაჭრო და საინვესტიციო შესაძლებლობების შესახებ.

 

 

განთავსების თარიღი: 29.05.2017
 

2017 წლის 26 მაისს, სამხრეთ აფრიკის რესპუბლიკის დედაქალაქ პრეტორიის პრესტიჟულ საკონფერენციო ცენტრში, საქართველოს საელჩომ უმასპინძლა საქართველოს დამოუკიდებლობის დღის აღსანიშნავ მიღებას. ღონისძიებას დაესწრო სამასამდე სტუმარი, მათ შორის, საქართველოს საპატიო კონსულები მოზამბიკში და ბოცვანაში, სამხრეთ აფრიკა-საქართველოს სავაჭრო პალატის წევრები, სამხრეთ აფრიკის საერთაშორისო ურთიერთობებისა და თანამშრომლობის დეპარტამენტის, სახელმწიფო უწყებების, დიპლომატიური კორპუსის, სამხრეთ აფრიკის ბიზნესის,  სამეცნიერო-აკადემიური წრეების და მას-მედიის წარმომადგენლები, ასევე, სამხრეთ აფრიკაში მცხოვრები საქართველოს მოქალაქეები. საზეიმო ღონისძიებას გაუძღვა სამხრეთ აფრიკაში ქართული სათვისტომოს წარმომადგენელი თინათინ გვილია.

 

 

განთავსების თარიღი: 26.05.2017
 
კვ ორ სა ოთ ხუ პა შა
    1 2 4 5
6 7 8 9 10 12
13 14 15 16 17 18 19
20 21 22 23 24 25 26
27 28 29 30 31    

დიასპორის სტრატეგია

 

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ